Gjafaöskjugerð

Verið hjartanlega velkomin í gjafaöskjugerð í Borgarbókasafninu Árbæ!
Við ætlum að búa til gjafaöskjur með origami aðferð sem getur nýst vel ef áhugi er á að búa til gjafir frá eigin hendi. Frábær leið til að gera gjafir persónulegri og umhverfisvænni!
Eigum saman notalega stund þar sem leiðbeinandi aðstoðar við gjafaöskjugerðina.
Það verður pappír í boði og stimplar til notkunar ef fólk vill skreyta gjafaöskjurnar sínar á staðnum. Það er velkomið að koma með sinn eigin efnivið og áhöld til að setja persónulegan svip á sköpunina.
Smiðjan hentar bæði fullorðnum og eldri börnum. Yngri börn eru velkomin í fylgd fullorðinna sem geta aðstoðað.
Við hvetjum fullorðna til að mæta og leyfa sköpunargleðinni að njóta sín í notalegri og skemmtilegri stund.
Aðgangur er ókeypis og skráning er óþörf.
Tilbúningur er viðburðarröð sem fer fram á:
📍 Borgarbókasafninu Spöng fyrsta miðvikudag hvers mánaðar
📍 Borgarbókasafninu Árbæ annan þriðjudag hvers mánaðar
📍 Borgarbókasafninu Úlfarsárdal fyrsta fimmtudag hvers mánaðar.
Nánari upplýsingar veitir:
Heiðrún G. Viktorsdóttir | sérfræðingur
heidrun.greta.viktorsdottir@reykjavik.is